ఉగాది శుభాకాంక్షలు.....

   ......  అందరికీ ఉగాది శుభాకాంక్షలు.......

సమస్యా పూరణ ..( 1358 - శల్యు డనగ నెవ్వడు పార్ధ? సారధి కద)

 శ్రీ కంది శంకరయ్య గురువుగారికి కృతజ్ఞతాభివందనములతో....



శల్యు నిగనిక్రీడినడిగె సన్నిహితుడు
శల్యు డనగ నెవ్వడు పార్ధ? సారధి కద
కర్ణుని రధమునకుతాను కదనమందు
మేటి విలుకాడు మాకౌను మేనమామ
ననుచు పలికెను పార్ధుడు ఘనము గాను

సమస్యా పూరణ ..1357 - నీటితో నగ్ని నార్పెడి మాట కల్ల)

శ్రీ కంది శంకరయ్య గురువుగారికి కృతజ్ఞతాభివందనములతో.....


 

కమ్మె కాకుల కోనలో కారుచిచ్చు
పచ్చ దనమంత బడిపోయె చిచ్చులోన
రగులుకొనుచున్న మంటల సెగలు జూడ
నీటితో నగ్ని నార్పెడి మాట కల్ల

పద్య రచన.. (541 - నర నారాయణులు)

శ్రీ కంది శంకరయ్య గురువుగారికి కృతజ్ఞతాభివందనములతో.....

నరనా రాయణు లనుగని
కరములు జోడించి మునులు గరుణను గోరెన్
నరహరి యవతారమనుచు
పరిపరి విధములనుతించి పరవశమొందెన్

బదరీ వనమందుమునులు
బదరీనారాయణులను భక్తిగ గొలిచెన్
పృధివీ తలమున శ్రీహరి
బదరీ క్షేత్రమునవెలసి భక్తుల భ్రోచెన్

సమస్యా పూరణ...1356 - రాము డనగను, సాక్షాత్తు రావణుండె )

 శ్రీ కంది శంకరయ్య గురువుగారికి కృతజ్ఞతాభివందనములతో.....




దశరధేశుని తనయుడు ధర్మ మూర్తి
రాము డనగను, సాక్షాత్తు రావణుండె
బిక్షు వేషము ధరియించి భిక్ష గోరి
సీత నెత్తుకు పోయిన ఘాతకుండు

పద్య రచన .. ( 540 - గణపతి)

 శ్రీ కంది శంకరయ్య గురువుగారికి కృతజ్ఞతాభివందనములతో...

కరివదనుని నొడిలోనిడి
మురిపెముతో సింహయాన ముచ్చట లాడెన్
గిరిసుత ప్రేమను బొందిన
వరదుడ శ్రీ విఘ్నరాజ వందనమయ్యా!

సమస్యా పూరణ..(1355 - కాకియు గోకిలము గలసి కాపురముండెన్ )

శ్రీ కంది శంకరయ్య గురువుగారికి కృతజ్ఞతాభివందనములతో....


 

లోకమున వింత గాదిది
కాకర వారింటివెనుక గన్పడునిదియే
కేకియు గువ్వలు, చిలుకలు
కాకియు కోకిలము గలసి కాపురముండెన్ 

కాకమువలెనుండుహరిని
కోకిలవలెపాడురాధ కోరి వరించెన్
లోకులిదిజూచి దలచిరి
కాకియు గోకిలము గలసి కాపురముండెన్

పద్య రచన . ..539 -వటువు)

 శ్రీ కంది శంకరయ్య గురువుగారికి కృతజ్ఞతాభివందనములతో...

నొసటన విభూధి దిద్దిన
పసిప్రాయపుబాలవటువు భాసిలు చుండెన్
పొసగున్ మంత్రము బలుకగ
విసుగొందక నేర్చుచుండె వేదము శుభమున్

సమస్యాపూరణ..( వెన్నెల ఱేని వెలుగులకు విచ్చె, గమలముల్ -1350)

 శ్రీ కంది శంకరయ్య గురువుగారికి  , శ్రీ నేమాని గురువుగారికి కృతజ్ఞతాభివందనములతో...


పున్నమి రేయిని కలువలు
వెన్నెల ఱేని వెలుగులకు విచ్చె, గమలముల్
మిన్నున దినకరునిగనగ
కన్నుల విందుగ విరిసెను కాసారమునన్

పద్య రచన ...( నిద్రలో కృష్ణుడు - 535)

 శ్రీ కంది శంకరయ్య గురువుగారికి కృతజ్ఞతాభివందనములతో...

తెల్ల వార వచ్చె దినకరుడరుదెంచె
గొల్ల వనిత లంత చల్ల ద్రిప్పి
రాల మంద లన్ని గోలచేయుచునుండె
మేలు కొనుము కృష్ణ లీల జూప



వెన్న దీసి యుంచె వ్రేపల్లెవాసులు
పిడత నుండె పాలు పెరటి లోన
వేచి యుండె సఖులు వీధి వాకిటిలో
వేగ మేలు కొనుము వెన్న దొంగ


సగము మూయు కనుల జగములే తిలకించి
మహిమ లెన్నొ జూపి మహిని గాచి
బాల ప్రాయ మందు లీలలే జూపేవు
బాల కృష్ణ నీకు వందనములు

సమస్యా పూరణ..( పందికిన్ బుట్టె చక్కని పాడి యావు -1350)

 శ్రీ కంది శంకరయ్య గురువుగారికి , కృతజ్ఞతాభివందనములతో....





రక్కసుని వంటివానికి లక్షణముగ
హితవు గోరెడి సద్గుణ సుతుడు గలిగె
జనులు దలచుచుందురిటుల ఘనముగాను
పందికిన్ బుట్టె చక్కని పాడి యావు

పద్య రచన..( 534 - పుస్తకాల పురుగు)

 శ్రీ కంది శంకరయ్య గురువుగారికి ,శ్రీ నేమాని గురువుగారికి కృతజ్ఞతాభివందనములతో....

పుస్తకములపురుగై నను
మస్తకమునకెక్కలేదె మానవ నీకున్!
మస్తుగ పెరిగెకితాబులు!
పుస్తకములు తొడవులయ్యె పుడమిని జూడన్

సమస్యా పూరణ..( 1348 - తన బాలుని జంపనెంచి తానే చచ్చెన్)

శ్రీ కంది శంకరయ్య గురువుగారికి , శ్రీ నేమాని గురువుగారికి, కృతజ్ఞతాభివందనములతో....



ఘనమగు కృష్ణుని ముద్దిడి
అనునయముగ జెంత జేరి హతమొనరించన్
చనుబాలనిచ్చి నాపూ
తన బాలుని జంపనెంచి తానే చచ్చెన్

పద్య రచన - 531 ( కంప్యూటర్)

 శ్రీ కంది శంకరయ్య గురువుగారికి, శ్రీ నేమాని గురువుగారికి, కృజ్ఞతాభివందనములతో....

విశ్వమంత జూపు విజ్ఞాన మందించు
మాన వాళి కిలను మంచి దోస్తు
ఘనత నంద జేయు కంప్యూటరేనేర్వ
మౌసు పట్టు కొనిరి మామ్మ గారు

పద్య రచన - 530 ( మొసలి-పక్షి)

 శ్రీ కంది శంకరయ్య గురువుగారికి కృతజ్ఞతాభివందనములతో...

ఎగురు చున్న బకము నెరవేసి బట్టగ
జోరు తోడ మకరి నోరు తెరచె
శక్తి యుక్తులున్న చక్కడగు విపత్తు
మకరి నోట బడక బకము నెగిరె

సమస్యా పూరణ..1345 (సీతకు రాఘవుడుపుట్టి శివధనువెత్తెన్)

శ్రీ కంది శంకరయ్య గురువుగారికి , శ్రీ నేమాని గురువుగారికి కృతజ్ఞతాభివందనములతో...



భూతలముననాధుండై
సీతకు,రాఘవుడుపుట్టి శివధనువెత్తెన్
మాతయయిన కౌసల్యకతడు
ప్రీతిని గలిగించితల్లి ప్రేమను బొందెన్

పద్య రచన - 529 ( మురళీగానము)

శ్రీ కంది శంకరయ్య గురువుగారికి , శ్రీ నేమాని గురువుగారికి కృతజ్ఞతాభివందనములతో...

చూపించక నీరూపము
పాపము నీరాధతోనె పరిహాసములా
చూపులకైనను చిక్కని
గోపాలకనిన్ను వెదకె కోమలి రాధన్



మురళీ గానము వినగనె
కరములు జోడించి రాధ కదలుచు నాడెన్
తరులను విరులనునడుగుచు
విరహిణియౌ రాధమనసు వేదన జెందెన్

సమస్యాపూరణ..(1344 - గరుడుని మ్రింగినదట భుజగమ్ము గుటుకునన్)

శ్రీ కంది శంకరయ్య గురువుగారికి, శ్రీ నేమాని గురువుగారికి, కృజ్ఞతాభివందనములతో...



వరముగనుగరుడపంచమి
జరుపుచు నొకసతి గరుడుని చలిమిడి ప్రతిమన్
మురియుచు జేయన్ చలిమిడి
గరుడుని మ్రింగినదట భుజగమ్ము గుటుకునన్

...

తరువున యెగురుచు కనియొక
గరుడుని కూననుగనినొక కాకోలమ్మున్
మురియుచు దొరికిన పోతక
గరుడుని మ్రింగినదట భుజగమ్ము గుటుకునన్




హరివాహనముగ చేకొనె
గరుడుని, మ్రింగినదట భుజగమ్ము గుటుకునన్
ఇరవున మండూకముగని
ఘురణము కాకుండబట్టి కుహరము దూరెన్
 

పద్య రచన..(528- చల్దులారగించుట)

శ్రీ కంది శంకరయ్య గురువుగారికి , శ్రీనేమాని గురువుగారికి  కృతజ్ఞతాభివందనములతో...

గోప వనితలు బాలురు గోవు లదివొ
నడుమ గూర్చుండె కన్నయ్య నల్లనయ్య
ఆల మందలు గాయుచు నలసి రేమొ!
చల్ది బంచుచు దినుచును సంతసమున

సమస్యా పూరణ..( ఏటేటా నెన్నికల్ హితమిచ్చు మనకు -1343)

శ్రీ కంది శంకరయ్య గురువుగారికి కృతజ్ఞతాభివందనమలతో...


 ద్విపద..(ప్రధమంగా వ్రాశాను)


ఏటేటా నెన్నికల్ హితమిచ్చు మనకు
మాటాడగలహక్కు మనకప్పుడొచ్చు

ఓటేయు హక్కుని వొదిలించు కోకు
నీటైన రూటున్న నేతల్ని జూడు
తూటాయె మనవోటు తొలగించు చెడును
దాటేసి నావంటె దండాలు నీకు
ఏటేటా నెన్నికల్ హితమిచ్చు మనకు

పద్య రచన..(527- అవిటితనం)

 శ్రీ కంది శంకరయ్య గురువుగారికి కృతజ్ఞతాభివందనములతో,,

 

దెబ్బలు తగిలిన నాతడు
నిబ్బరమునుకోలుపోక నేర్చెను పనులన్
కొబ్బరి కాయల వృత్తిన
ఇబ్బందులు పెట్టకయ్య యింకా! రామా!

సమస్యా పూరణ..(1342..శ్రీకృష్ణుడు, శూర్పణఖకు జెవులం గోసెన్)

శ్రీ కంది శంకరయ్య గురువుగారికి కృతజ్ఞతాభివందనమలతో...




పోకిరి కంసుని జంపెను
శ్రీకృష్ణుడు, శూర్పణఖకు జెవులం గోసెన్
కేకల తోలక్ష్మణుడా
లేకిగ సరసమ్ములాడు లేమను జూడన్

పద్య రచన..( 526 - ఏనుగు- మొసలి)

 శ్రీ కంది శంకరయ్య గురువుగారికి  కృతజ్ఞతాభివందనములతో....

కరి కరముబట్టిమకరము
సరసుకు లాగుచునుకరిని జంపగ దలచెన్
బిరబిర సరిగొని మకరిని
హరి నీవేబ్రోవవలయు నాకరిన్ దయతో

పద్య రచన ( ఉతుకు..525)

శ్రీ కంది శంకరయ్య గురువుగారికి కృతజ్ఞతాభివందనములతో.....

పట్టుచు నీరును ధారగ
గొట్టెను బిందెలనునేల కోపము తోడన్
బట్టను పతిగా దలచుచు
గట్టిగ యుతికేనుసతియె కలహాంతరితై



బట్టను బాదిన రీతిన
గట్టిగ యుతికెను మగనిని కారణ మేమో?
కట్టిన తాళిని భార్యను
పట్టక పొరలిడెడి పతుల పనిగోవిందా

పద్య రచన..(524..అమ్మాయి)

 శ్రీ కంది శంకరయ్య గురువుగారికి కృతజ్ఞతలతో..

ముక్కెర మెరుపులు మోమున
చిక్కని కురులందుకలువ చిందెను సొగసున్
చెక్కిన శిల్పము తీరున
చక్కగసింగారమొలుకు సఖినీ వెవరే!






ఇది మా గురువుగారు శ్రీ శంకరయ్యగారి ప్రశంశ..పద్యములు బాగా కాకపోయినా , కాస్తయినా వ్రాయగలుగుతున్నాను అనే నమ్మకాన్ని కల్లించిన ప్రోత్యాహపు దీవెన..

చక్కని పద్యము నుడివిన శైలజకు నుతుల్!’

సమస్యా పూరణ..(రావణుని పత్ని,సీతమ్మ, రామ భగిని 1340)

శ్రీ కంది శంకరయ్య గురువుగారికి కృతజ్ఞతాభివందనములతో...




పడతి మండోదరెవరికి పత్ని యయ్యె?
రామ చంద్రుని భార్యయౌ రమణి యెవరు?
భామ సోదరి పర్యాయ పదములేవి?
రావణుని పత్ని,సీతమ్మ, రామ భగిని

సమస్యా పూరణ..( తలకాయల పులుసు త్రాగి తనిసిరి బాపల్ 1339)

శ్రీ కంది శంకరయ్య గురువుగారికి కృతజ్ఞతాభివందనములతో...


అలివేణి పెళ్ళి విందున
పులిహోర వడలు యరిసెలు పూర్ణపు బూరెల్
భళిభళి యన్నియునని చిం
తలకాయల పులుసు త్రాగి తనిసిరి బాపల్

పద్య రచన (కదళీఫలము-524)

శ్రీ కంది శంకరయ్య గురువుగారికి కృతజ్ఞతలతో....

ఫలములలోకెల్లఘనము
పలురకములమేలుచేయు ఫలమే యిదియున్
సులువుగ తినగలుగు ఫలము
పులకించి తినెదరుగాదె వృద్దులు పాపల్ 


 

.

మధురము గాలేనిమధువు
మధనము లేనట్టిహృదియు మాతయు లేకన్
మృదువుగనుండని వెన్నయు
కదళీపలమిడనిపూజ గలవే మహిలో

సమస్యా పూరణ - ( మల్లెతీగకు, పూచె చేమంతు లెన్నో 1338)

 శ్రీ కంది శంకరయ్య గురువు గారికి కృతజ్ఞతాభి వందనములతో...


పరిమళమ్ములు వెదజల్లి పలుకరించి
బొండు మల్లెలు విరబూసె నిండుగాను
మల్లెతీగకు, పూచె చేమంతు లెన్నో
అందగించుచు కనులకు విందుజేసె

సమస్యా పూరణ..(తల దొలగించిన శుభమ్ము తప్పక కలుగున్ 1337)

శ్రీ కంది శంకరయ్య గురువుగారికి కృతజ్ఞతాభివందనములతో....


ఇలలో దోచిన దంతయు
కలుగులలో దాచుకొనెడి కల్మష మతులన్
వలవేసి బట్టి ఘననే
తల దొలగించిన శుభమ్ము తప్పక కలుగున్ 

పద్య రచన - (521 - చెమ్మచెక్క )

 శ్రీ కంది శంకరయ్య గురువుగారికి కృతజ్ఞతలతో...

సుగంధి.....


అమ్మ నేర్పుపాటలన్ని యాటలందు పాడుచున్
చెమ్మచెక్క చెమ్మచెక్క చెల్లితోనె యాడుచున్
కొమ్మ కొమ్మలందు దాగి కోయిలమ్మ కూయగన్
చిమ్మచీకటందుకూడ చిందులేయు వేడ్కతో 




సెల్లుగేము వీడియోలు చేతులందు బట్టుచున్
చెల్లి యక్కలంత చేరి చెమ్మచెక్క లాడునా
పల్లె సీమ లందుకూడ పాత యాటలందురే
కళ్ళజోడు తెచ్చిపెట్టు కాంతిగేము లొచ్చెనే

 

సమస్యా పూరణ..( హరికి భార్య ,పర్వతాత్మజ యుమ - 1336)

శ్రీ కంది శంకరయ్య గురువుగారికి కృతజ్ఞతలతో....




సిరులను కురిపించు శ్రీమహా లక్ష్మియే
హరికి భార్య ,పర్వతాత్మజ యుమ
సాంబశివునికామె సహధర్మచారిణి
అఖిల జగము నేలు యాది శక్తి

పాలకడలి పట్టి పాలేటిరాచూలి
హరికి భార్య, పర్వతాత్మజయుమ
ఆది బిక్షువునికి యర్ధాంగి తానగు
పద్మభవుని భార్య వాణిగాదె

పద్య రచన..( ధ్రవుడు- 519) ( శివపూజ- 520 )

శ్రీ కంది శంకరయ్య గురువుగారికి కృతజ్ఞతలతో...
 

హరికై తపమొనరించెను
కరుణించమనుచు దృవుండు కైటభవైరిన్
వరమిచ్చెనుగద శ్రీహరి
కరములు జోడించిదృవుడు భక్తిన్ గొలిచెన్

 చక్కగనభిషేకించుచు
మిక్కుటమగు భక్తిగొలువ మినుసిగవేల్పున్
మ్రొక్కుచు శివశివ యనుచున్
ముక్కంటినిబూజచేయ మోక్షము గలుగున్ 

సమస్యా పూరణ..(పుణ్య కర్ముడు నరకమ్ము బొంది వగచె 1334)

శ్రీ కంది శంకరయ్య గురువుగారికి కృతజ్ఞతలతో....



పుణ్య కార్యము లెన్నియో భువిని జేసి
సత్య వర్తన వీడక సాగి నానె
పాప పలమేదొ నన్నింక బట్టె ననుచు
పుణ్య కర్ముడు నరకమ్ము బొంది వగచె

.

ఆడి దప్పని మహరాజు యాలినమ్మి
అష్ట కష్టము లన్నియు ననుభవించి
కాటి కాపరి తానాయె కర్మమునను
పుణ్య కర్ముడు నరకమ్ము బొంది వగచె

పద్య రచన..(కుక్క తోక -517) (పాపలు - 518 )

 శ్రీ కంది శంకరయ్య గురువుగారికి కృజ్ఞతలతో...



మంచి బుద్ధి వాని మార్చంగ వచ్చును
మాట వినును మంచి బాట చనును
బుద్ది వంక రయిన దిద్దుట సాద్యమా
చక్క జేయ లేము కుక్క తోక 

ముద్దు మోమున నునుసిగ్గు ముచ్చటాయె
బుగ్గ లందున రోజాలు మొగ్గ విచ్చె
బావ యందించు చేయితా బట్టు కొనక
పట్టు పావడ బట్టెను పైడి బొమ్మ 

సమస్యా పూరణ .(.ముట్లుడుగిన రాధకిపుడు మూడవ నెలరా - 1331) (వృధ్ధురాలిని వధియించె బుధ్ధుడలిగి 1333)

 శ్రీ కంది శంకరయ్య గురువుగారికి కృతజ్ఞతలతో...




ఎట్లో నోములు నోచియు
మెట్లకు పూజలు జరుపగ మేదిని యందున్
హిట్లరు గృహమున వరముగ
ముట్లుడుగిన రాధకిపుడు మూడవ నెలరా



బుద్ధు డనువాడు నీచుడై క్రుద్ధుడవగ
బుధ్ధి నేర్పగ దలచెను ముదుసలవ్వ
దిద్ది తీర్చగ వానిపై శ్రధ్ద జూప
వృధ్ధురాలిని వధియించె బుధ్ధుడలిగి

పద్య రచన..(5i5- సీతాకోకచిలుక)

 శ్రీ కంది శంకరయ్య గురువుగారికి కృతజ్ఞతలతో...

 


పూవు పూవున వ్రాలుచు పులకరించి
తీయ తేనియ మధువుకై తిరుగు నీవు
హరిత పత్రముపై నిదియేల చేరినావు
చెపుమ చిన్నిసీతాకోక చిలుక నీవు

పద్య రచన..(కన్నప్ప- 513) (గజము- 514 )

శ్రీ కంది శంకరయ్య గురువుగారికి కృతజ్ఞతలతో...

కన్నుల నిచ్చెను శూలికి
కన్నప్పగ పిలువబడెను కడు పుణ్యమునన్
తిన్నని మూఢపు భక్తికి
 వెన్నెలవిరిదాల్పువచ్చి వేడుక దీర్చెన్

కానల తీసిన గోతిన
కూనయె పడిపోయెనయ్యొ! కుంజరమదివో!
ప్రాణము విలవిల లాడగ
పూనికతోలాగుచుండె ముద్దుల పట్టిన్

(రాముని పాదముల వ్రాలె రాముడు భక్తిన్-1329) ( యమృతమ్మో, ఫ్రాణఘాతమగు గరళమ్మో? 1328)

 శ్రీ కంది శంకరయ్య గురువుగారికి కృతజ్ఞతలతో.....

రామాలయమునకేగెను
రామునిపూజించగనభి రాముడు శ్రధ్ధన్
నీమము తోడన్ సీతా
రాముని పాదముల వ్రాలె రాముడు భక్తిన్

సమరము జేసిన ఫలమిది 
సమరస భావమ్ములేదె
సకలాంధ్రమునన్ దమరగ విభజనయికనిది
యమృతమ్మో, ఫ్రాణఘాతమగు గరళమ్మో?

( సమస్యా పూరణ..చంద్ర బింబమ్మునందు భాస్కరుడు వెలిగె -1327)

శ్రీ కంది శంకరయ్య గురువుగారికి కృతజ్ఞతలతో...



కలువ ఱేనికి ప్రతిరోజు కాంతి నొసగి
వేయి కిరణాల భానుండు వెలుగు చుండు
తమ్మి దొరతోడ శోభిల్లు ధాత్రి గాదె
చంద్ర బింబమ్మునందు భాస్కరుడు వెలిగె

పద్య రచన 509 ( పాండురంగ) ( తల్లి ఒడి - తొలి బడి - 510)

శ్రీ కంది శంకరయ్య గురువుగారికి కృతజ్ఞతలతో...

పాండు రంగ నిగని పసిబాలుడేవచ్చి భక్తి తోడ గొడుగు బట్టె గనుడు పరమ భక్తి విత్తు పరమాత్మ బొందించు రంగ నాధ సేవ రక్ష గాదె

 

ఉగ్గు పాలు బోసి యున్నతాశయముల
తెలుగు పలుకులెల్ల తీర్చిదిద్ది
నీతి కధలు జెప్పి నియమాలు నేర్పెడు
తల్లియొడితొలిబడి యెల్లరకును

పస్తులుండి తల్లి బలుకష్టములకోర్చి
పెంచి బెద్ద జేయు పేద యైన
కంటి రెప్ప వోలె గాచును తల్లియె
తల్లియొడితొలిబడి యెల్లరకును


అమ్మ కన్న మిన్న యాదిదైవములేదు
అమ్మ ప్రేమ తోనె యవని నడచు
అమ్మ లేని యిల్లు యంధకారమ్మేను
అమ్మ బ్రహ్మ గాదె యవని లోన