రక్షాబంధన్...

నీవే తల్లియు తండ్రియు
నీవే నా సోదరుండు నీవే సఖుడున్
నీవే గురుడును దైవము
నీవే నాతోడునీడ నిజముగ కృష్ణా!!!

వరలక్ష్మిీ స్తుతి

హే జననీ! వరలక్ష్మీ
శ్రీ జలధిజ !పైడినెలత! సింధుజ ! నేత్రీ!
పూజించెద ప్రతిదినమున్
తేజోమయి! మమ్ముగాచి దీవెనలిడుమా!!!

బొబ్బిలి వీణ..

                                                          ....  బొబ్బిలి వీణ...
                           విజయనగరం జిల్లాలో బొబ్బిలి ..వీణల తయారీకి పెట్టింది పేరు...వీటి ప్రత్యేకత ఏమిటంటే..మైసూర్, తంజావురు వీణలు 3 చెక్కలతో తయారు చేస్తే.. బొబ్బిలి వడ్రంగులు ఒకే చెక్కతో అంటే ఏకాండీ కొయ్యతో వీణలు తయారు చేయడంలో సిద్ధహస్తులైనారు...జియోగ్రాఫికల్ గుర్తింపు లభించిన బొబ్బిలి వీణల కున్న పేరు , ప్రఖ్యాతి  మరే వీణలకు లేదనే చెప్తారు. నాడు అమెరికా అధ్యక్షుడు బిల్ క్లింటన్ బొబ్బిలి వీణను చూసి మురిసి, అవి తయారు చేసే సర్వ సిద్ధి వెంకటరమణను వైట్ హౌస్కు ఆహ్వానించారట.. తెలుగు వారికీ, తెలుగు నేలకు గర్వకారణం మన బొబ్బిలి వీణ.. 
                 సంగీత ప్రియులందరికీ ఈ వీణ అంటే చాలా ఇష్టం..ఎందుకంటే శృతి తప్పకుండా రాగాలు అలవోకగా పలికిస్తుందీ వీణ.. ఇంతటి వైభవాన్ని పొందిన బొబ్బిలి వీణ ప్రస్తుతం దయనీయ స్ధితితో వుందనే చెప్పవచ్చు..కారణం.. దాని తయారీకి కావాల్సిన పనస కర్ర కరువవ్వటం...ఎన్నో కుటుంబాలకి ఆధరువయిన ఈ కళని ,కళాకారులని ప్రభుత్యం మరికొంతగా ప్రోత్సహించినట్లయిన బొబ్బిలి వీణ పదికాలాలు సుమధుర రాగాలు పలికిస్తూ మనదేశానికి వన్నెతెస్తుంది అనడంలో అతిశయోక్తి లేదు...

విజయనగరం దగ్గర రామతీర్ధం....

                                                        రామతీర్ధం దేవాలయం

                         

                                 రామతీర్ధం దేవాలయం విజయనగరానికి 8 కిలోమీటర్ల దూరంలోవుంది..ఒంటిమిట్ట తో సమానమైన అతి పురాతన దేవాలయం ఇది ..అక్కడ ప్రచారంలో వున్న కధ ప్రకారం పాండవులు అక్కడ కొన్నాళ్ళు విడిది చేసినట్లు చెబుతారు.. ఇంకా అక్కడ దగ్గరలో వున్నగురుభక్తుల కొండ మీద భౌద్ధ ఆరామాలు ,చైత్యాలు యాగ కుండాలు వున్నాయి..రామతీర్ధం కోవెల ప్రత్యేకత ఏమిటంటే ఇక్కడ శీతారాములతో పాటు రామలింగేశ్వరుడు కూడా కొలువై భక్తులపూజలనుఅందుకుంటాడు..
                                 ఇక్కడ ప్రతీ ఏడాది శివరాత్రి పర్వదినమున 3 రోజులు జాతర జరుగుతుంది అశేష భక్తకోటి
కోస్తా ఆంధ్రా, ఒడిషా లనుండి తరలివచ్చి కన్నుల పండువగా జరుగు జాతరను దర్శించు కుంటారు...ఇంకా ఫ్రతీ ఏడాది శ్రీరామనవమి న సీతారామకల్యాణం, రధాయాత్ర భక్తులను ఆనంద పారవశ్యంలో ఓలలాడిస్తాయి...
                                ఈ దేవాలయాన్ని చేరాలంటే విజయనగరం R T C complex నుండి అరగంట ప్రయాణం , 11 రూపాయల టికెట్...ఇంకా ఆటో సర్వీస్,కేబ్స్ విరివిగా వుంటాయి , షేర్ ఆటో అయితే 15 రూపాయలు తీసుకుంటారు ...విజయనగరం వచ్చిన ప్రతీవారు రామతీర్ధంలో రాముని దర్శించి భక్తి భావంతో తన్మయులవుతారు...

 

భారత నారీమణులే
చీరలను మరచి ముదముగ జీన్సులు వేయన్
ఫారిన్ వనితలు మెచ్చుచు
శారీ లనుదాల్చు చుండె సంతోషముగన్!!!

విజయనగరంలో...రామనారాయణం...

 

.....రామనారాయణం...

 

                ఈ రామనారాయణం..రామాయణానికి దర్పణం..ఎక్కుపెట్టిన ధనుస్సు ఆకారంలో వున్న ఈ కట్టడం సుందర ఆహ్లాదకర వాతావరణంలో చూపరులను భక్తి భావనలో విహరింపచేస్తుంది... రామాయణంలోని 72 ఘట్టాలకు... 72 విగ్రహాలతో ... 3 భాషలలో వివరణతో తెలుసుకునే సదుపాయం కూడా కల్పించబడింది..మధ్య భాగంలో 80 అడుగుల ఆంజనేయస్వామి విగ్రహం భక్తిపారవశ్యాన్ని కల్గిస్తుంది...రంగురంగుల విద్యద్దీపాల కాంతులతో అలరారుతూ, జలయంత్రాలతో అత్యంత శోభాయమానంగా తీర్చిదిద్దిన రామనారాయణం.... విజయనగరం వచ్చిన ప్రతి వారు చూసి తరించాల్సిందే.....