కుచేలుడు .....

                                                             .....  కుచేలుడు......

విద్య లెన్ని యున్న  బీదతనమ్ముతో

విధిని మార్చలేని  విష్ణు సచియె

భార్య బోధ జేయ బట్టెడు వడ్లను

బెట్ట వెన్ను నోట బుట్టె సిరులు!!!

గుప్పెడు చిపిటము లీయుచు

విప్పగు సిరులన్ గ్రహించు వెన్నుని హితుడా!

గొప్పదయా నీజన్మము

అప్పనముగ వచ్చి బడెను యర్ధంబిలలో!!!

మస్తుగ విద్యలు నేర్చిన

పస్తులతో గడుపు చున్న బాల్యసగంధున్

హస్తముల వడ్లు చవిగొని

శస్తములగు సిరుల నిడెడు సవ్యుడ జేజే!!!

పురుషోత్తమునే హితునిగ

వరముగ మరి బొందినావె బ్రాహ్మణ శ్రేష్ఠా!

ధరలో యింతటి భాగ్యము

నొరులెవ్వరు బొందగలరె యో గుణశీలీ!!!