శంకరాభరణం..సమస్యా పూరణ..(అరిసెలు వేచగా వలయునా? ముదమందున బెండ్లి విందుకై..)( కంచి గరుడ సేవ ఘనత గాదె)

శ్రీ కంది శంకరయ్య గురువు గారికి కృతజ్ఞతలతో...

సమస్యా పూరణ......అరిసెలు వేచగా వలయునా? ముదమందున బెండ్లివిందుకై

వంటవారు వారు చేసిన వంటలు చెప్పు సందర్బము..

సరిసరి యన్ని వంటలును చక్కగ అయ్యెనువాటినన్నిటిన్
వరుసగ లడ్డు జాంగిరిలు బాగుగ వేగిన బజ్జి బాదుషా
విరివిగ గారి బూరెలయె, వేడిగ నేతిని గాచి బాగుగా
అరిసెలు వేచగావలయునా ? ముదమందున బెండ్లి విందుకై


సమస్యా పూరణ.....కంచి గరుడ సేవ ఘనత గాదె.....

తల్లి నివిడి పించు తనయుడు గరుడుడు
అందు కాయె నతడు హరికి తేరు
మంచి వారి సేవ మాధవుండేచేసె
కంచి గరుడ సేవ ఘనత గాదె