శంకరాబరణం.సమస్యా పూరణ.(ధవున కపుడు గర్భమయ్యె దనయుడు పుట్టెన్) పద్య రచన..(ముద్దబంతిపూలు)

శ్రీ కంది శంకరయ్య గురువు గారికి కృతజ్ఞతలతో...

సమస్యా పూరణ..ధవున కపుడు గర్భమయ్యె దనయుడు పుట్టెన్

అవునట నేనూ వింటిని
భవుడట మోహించెహరిని భామగ జూడన్
భువనము లేలెడి యామా
ధవున కపుడు గర్బమయ్యె దనయుడు పుట్టెన్

పద్య రచన..ముద్దబంతిపూలు..

ముద్ద బంతి పూలు ముద్దులొలుకుచుండు
రకము లెన్నొ కలవు రాణి బంతి
సీమ బంతి జూడ సింధూర వర్ణము
బంతి సొగసు బొగడ బ్రహ్మ తరమె