శంకరాభరణం

శ్రీ పండిత నేమాని గురువుగారికి కృతజ్ఞతాబివందనములతో.....

పద్యరచన ...అంశము...పకోడి.....

కరకర లాడుచు కమ్మగ
 
కరముల నందముగ నమరి కన్నుల బడుచో
 
హరుడైన కరగిపోవును
 
మరచుచు నిజతత్త్వము కద మంచి పకోడీ!



 

చిరు చిరు జల్లులు చినుకులు
 
కురియు నెడల నెదుట నీవు ఘుమ్మనుచుండన్
 
నరులయినను సురలయినను
 
నురకలనే వేయరొక్కొ? యుల్లిపకోడీ!



 

ఎందుకు పిజ్జా బర్గరు
 
లెందుకు నూడుల్సు నీవె యెదురగు నెడ నీ
 
ముందెల్ల తీసికట్టే
 
విందగుదువు నీవెకాదె? వేడి పకోడీ!