నిన్న - నేడు - రేపు...

(ఈ కవిత 'కౌముది' అంతర్జాలపత్రిక జనవరి సంచికలో                 ప్రచురించబడినది..ప్రచురించిన కౌముది సంపాదకవర్గానికి,శ్రీ కిరణ్ ప్రభ గారికి కృతజ్ఞతాభివందనలు.)

నిదురించిన నిన్నని పిలిచి

కదిలించకు నీ మదిని,

బెదిరించిన నేటిని తలచి

నిదురించకు మారదని,

ఉదయించే రేపును వలచి

మొదలెట్టిన వాడే మనిషి

శ్రమజీవికి ఓటమి రాదు

శ్రమ శక్తికి పోటీ లేదు!

వెనుతిరగక వేసెయ్ అడుగు

వెన్నెల రాకుంటే అడుగు!!