మల్లెపూవు
ఉత్సాహ..
చల్ల నైన రూపమున్న చక్కనైన మల్లికా
వెల్లి విరియు నీదు తావి విశ్వమందుహాయిగా
మల్లె పూల మాలలన్న మాత దుర్గ మెచ్చునే
మల్లికేశు డాదరించు మల్లె జన్మ ధన్యమే!!!
కందము..
తెల్లని మల్లెల తావియె
యుల్లము రంజింపజేయు నుర్వీతలమున్
చల్లని వెన్నెల రేయిని
మెల్లిగ
విడు మల్లెలన్న మెచ్చరె జనముల్!!!
ఆటవెలది....
చక్కనైన సొగసు చల్లని హృదయమ్ము
మత్తు గొలుపు తావి మల్లె సొత్తు
మండు టెండలందు నిండుగా విరబూయు
మల్లె వంటి సుమము మహిని గలదె!!!
ఆటవెలది..
కవుల కలములందు కావ్యనాయకి మల్లె
సరసుల మురిపించు సఖియ మల్లె
మధుర ప్రేమ కొరకు మలిగి పోవును మల్లె
స్వార్థపరత లేని సౌమ్య మల్లె!!!
No comments:
Post a Comment