వేసవి కవిత...

(  సాహిత్య వెన్నెలలు జాలువారి, ఓలలాడించే   ' కౌముది'  అంతర్జాల పత్రికలో  ఏప్ర్ల్లెల్  నెలలో  ప్రచురించబడిన నా  కవిత...వేసవి వచ్చేసింది.ప్రచురించిన శ్రీ కిరణ్ ప్రభగారికి , కృతజ్ఞతాభివందనాలు ....)

వేసవి వచ్చేసింది...

        ఎలకోయిల రావాలను..

        ఎండల కరవాలాలను..

తీసుకుని తోసుకుంటూ..

మండు వేసవి వచ్చేసింది..

        మామిడి రసాలను..

        మరుమల్లెల తావులను

పట్టుకుని నెట్టుకుంటూ..

మండు వేసవి వచ్చేసింది..

        ముంజెల ముత్యాలను..

        ముచ్చెమటల దాహాలను..

దోసిలి లో నింపుకుని..

వగరుస్తూ..వేసవి వచ్చేసింది..

        వడగాలుల లీలలను..

        వాసంతపు హేలలను..

వడినిండా పోసుకుని..

వేసవి వచ్చేసింది..

        శ్రీకారపు ఉగాదిని..

        శ్రీరామ నవమినీ..

శీఘ్రంగా తోడ్కొని..

వేసవి వచ్చేసింది..

మళ్శీ. వేసవి వచ్చేసింది..