 |
| ......వటపత్ర సాయి...... |
బటుతరముగ బొటనవేలు బట్టిన
కృష్ణా!
ఘటనము జేయగ జగతిని
వటువుగ నటియించు వృష్ణి
వందన మయ్యా!!!
త్రేతాయుగమున వసుధను
యాతనలను బెట్టువారి
యత్నము లణచన్
భూతలమున జన్మించిన
సీతాపతి నీవెగాదె
చేమోడ్పులయా !!!
ద్వాపర మందున శ్రీకర
గోపాలుడివై సుదతిని
గూల్చెడు ఖలులన్
కోపాగ్నిన నుసిజేసిన
తాపస మందార కృష్ణ త్రాతకు
జేజే!!!
గోవింద నామ జపమును
గావించిన వారి గావ కలియుగ
మందున్
భూవైకుంఠము తిరుపతి
తావున నెలకొన్నవకుళ తనయుడ
జేజే!!!
కుక్షిని గల సకలమ్మును
రక్షించగ నీకునీవె రసనే
పుడుచున్
దక్షత నిచ్చుచు జగతికి
రక్షక వటపత్రశాయి
ప్రణతులు గొనుమా!!!
No comments:
Post a Comment