శంకరాభరణం..సమస్యా పూరణలు..(ప్రాణమొసగును మృత్యదేవత జనులకు) మత్తు గలిగించు వాడెపో మంచివాడు...)

శ్రీ కంది శంకరయ్య గురువుగారికి , శ్రీ నేమాని గురువుగారికి కృతజ్ఞతాభివందనములతో..

సమస్యా పూరణ...ప్రాణ మొసగును మృత్యుదేవత జనులకు

శుష్క దేహము బూర్తిగా శుధ్ధిజేసి
కర్మ బంధమ్ములన్నియు కడిగి వేసి
మారు తనువిచ్చి మమతతో మరల బ్రతుక
ప్రాణ మొసగును మృత్యుదేవత జనులకు

సమస్యా పూరణ.......మత్తు గలిగించు వాడెపో మంచివాడు

మత్త్తు గలిగించు వాడెపో మంచి వాడు
కాడు! కలమును కదిలించి కవిత లల్లి
కరకు గుండెలు కరిగించి కలత నిదుర
మత్తు వదిలించ గలవాడు మంచి వాడు

    

 

చలువ వెన్నెల జల్లిన చందమామ
మేల్మి బంగరు పాపల మేనమామ
మబ్బు మాటున దాగొని మనసు దోచి
మత్తు గలిగించు వాడెపో మంచివాడు