మిధునవనం---(చిత్రకవిత)

మిధునవనం---(చిత్రకవిత)

చిన్ననాటి ఆనందాలు

చిందించే మకరందాలు

జ్ఞాపకాల తీపిముళ్ళు

జాలువారె కన్నుల నీళ్ళు

గగనంలో గాలిపటాలు

ఇసుకలోన కట్టిన గూళ్ళు

దొంగాటలు కోతికొమ్మచ్చి

దొరికిపోతె  కొట్టిన పచ్చి

రాళ్ళాటలు చింతగింజలు

మళ్ళగట్లపై పరుగులు

తాటాకుల బొమ్మల పెళ్ళి

తాడాటను తీసిన గుంజీ

పంచుకున్న పీచుమిఠాయి

మంచికధల వెన్నెలరేయి

బాధ భయము లేనిదోయి

బాల్యమ్మే ఎంతో హాయి

బొంగరాల గింగరాలు

సంగడీలతో ఆటలు

చెంగు చెంగున గెంతులు

బెంగలేని ఆనందాలు

దసరాలో పువ్వుల బాణం

తీయని వడపప్పు బెల్లము

పల్లెలోన వదిలిన బాల్యం

పంచుకున్న తరగని మూల్యం

బాల్యంలో జ్ఞాపకాలు

మాసిపోని ఆనవాళ్ళు

కాలంలో మైలురాళ్ళు

మరలిరాని మాధుర్యాలు!!!